Тахана,дуьненахь бехачу массо а нохчаша даздеш ду Нохчийн къоман меттан де. Дуьххьара 2007-чу шарахь Нохчийчоьнан куьйгалхочо Шен омрица т1еч1аг1дира и деза Де билгалдаккхар. Цу шарахь д1адоладелла, Нохчийн меттан де даздеш ду 25-чу апрелехь. Амма къаьсттина Нохчийчоь даздина ца 1аш, массо а вайнаха тидам бо цу денна, шаьш миччанхьа а хиларах. "Мотт мел беха деха къам" -олуш ду вай дайшкахь дуьйна. Иза ларбахь дуьсур ду къам, амма вай вайн ненан мотт тахана 1алаш ца бахь, вайн кхане бодане йу. Къоман мотт бу вайна дахар довза а, къоман оьздангалла йовза а 1амош, къомана а махкана а пайденна болуш, г1иллакх-оьздангаллийца къонахий кхиош берг. Дала шен къоман мотт безарехь а, 1аморехь и ларбарехь а совдохийла вай, вайн т1екхуьуш йолу къона т1аьхье а! Бехийла хьо тхуна, тхан сийлахь Нохчийн мотт!